26/12/2015 更新介紹

建立日期: 2015-12-26

文章類型: 公告

‧車身色彩「特別塗裝」

特別既巴士一直都係追蹤拍攝既熱門對象,所以 Buscess 設立左車身色彩資料庫方便大家拍攝。

無論想查詢個廣告幾時上、上左幾多部、有幾多個版本、Buscess都已經為大家整合,只需要打一個車牌,就可以查詢到該車輛曾經上過咩廣告;按下廣告詳情,所有資料都會相應顯示。除此之外,仲有一個完整列表,列出所有專利巴士曾披上既全車身廣告資料。

車身色彩資料庫亦同時包含車身無添加報告紀錄系統及特別車身塗裝紀錄系統,會員可以貢獻自己的力量,報告車輛資訊(包括全車身廣告、無添加及車身塗裝)去完善紀錄系統,令各使用者日後可隨時輸入車牌查詢車身廣告目前和過去既狀況。不久將來亦會設立完整列表以供查閱,同時會將三個列表既內容應用於以下的車輛是日行蹤系統。



‧會員各項統計記錄

Buscess 會員過往一週統計數據,統計包括相片及會員頁上週及總瀏覽量,變化百分比,同埋每日升跌,並以圖表顯示。


相片上載及推介記錄: 上載左幾多張相,推介左幾多張,幾多會員推介相片,每張推介相片都有記錄推介數量及推介者

車輛行蹤都有幫大家統計,上週及總報告量,同埋變化百分比

會員可以好清楚睇返自己既努力。


注意呢個只係俾會員自己專享,人地睇唔到嫁!



會員上載咗既相統計(在車牌庫內顯示)

相信大家都有幫自己所影既既作出少少統計,統計得出影左幾多張左邊車身(門),右邊車身(梯)

所以我哋都會照顧埋大家呢方面既需要,會員只要進車牌庫,列表就會得出所點選巴士公司及相關車型之資料

資料上會包括幾多張左邊車身門位相、幾多張右邊車身梯位相、幾多張未定義(系統因輸入資料不能自動分類)相是已經上載到 buscess 相片數據庫



‧您的相簿

彌補數據庫輸入限制: 獨立個體

按會員自己既喜好分類相片,排列相片

每張相片唔駛重新上載就可以放入不同既相簿,相簿的次序,封面及相簿內的相片次序都可時更改

自己查閱相簿,分享俾朋友都易如反掌



‧您的攝點列表 

有時想搵朋友一齊影相,而又唔想成日幾條 link 咁樣俾人,又亂又懶得 click,不如一條 link show 哂你想影既位俾朋友揀,易睇又慳時間,相都可以影多幾張

有時候都想記低一堆攝點想去影

記低一D路線既常影/心手攝點,例如「86影相位」,下次一 Click 就出哂黎,方便快捷

最緊要每個列表都可以獨立設定是否公開開放,令大家更加放心



‧您的車輛列表

我哋都知道大家返工返學非常忙碌,用記憶力有限之下,又唔會用紙筆記錄

有時候都想記低一堆車輛想去坐,想去影

記低邊部車勁

愛車列表

代表車列表

每個列表上既車輛如果仲係服役緊,而是日又有會員報告左行蹤,列表上都會主動顯示,唔使下下睇實車輛行蹤系統,令大家更有預算,最緊要每個列表都可以獨立設定是否公開開放



‧註冊新會員更快更方便

我哋同時永久開放會員註冊,註冊時同以往一樣要索取註冊碼,不過我哋唔駛大家打感想,唔駛再寄電郵俾我哋

,只要填上所需資料及送出表格,我哋會審核每一個申請,如果申請成功,我哋會將註冊碼傳送到你登記既電郵地址,依照信件上的步驟完成餘下動作即可成為 Buscess 一份子,注意每個朋友只可持有一個 Buscess 戶口。

Buscess 管理員會盡力維持資料庫之準確程度, 惟資料只供用家參考, 而且不構成任何攝影建議。
用家進行拍攝時仍需獨立思考, 注意自身安全, Buscess 不會為用家的損失和意外負上任何責任。